ಆರ್‍ಎಸ್‍ಎಸ್‍ನ ನಿಜ ಸ್ವರೂಪವನ್ನು ಮತ್ತು ಉದ್ದೇಶವನ್ನು ಸೂಕ್ಷ್ಮವಾಗಿ ಗಮನಿಸಿ ಜನರ ಮುಂದಿಡುವ ಒಂದು ಪ್ರಯತ್ನ ಇದು. ಈ ದೇಶವನ್ನು ಆರ್‍ಎಸ್‍ಎಸ್ ಎತ್ತ ಒಯ್ಯಲು ಶ್ರಮಿಸುತ್ತಿದೆ ಎನ್ನುವುದನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳುವ ಮತ್ತು ಈ ಸಂಘಟನೆಯ ಬಗ್ಗೆ ಇರುವ ಗ್ರಹಿಕೆ ಹಾಗೂ ಆ ಸಂಘಟನೆಯ ನಿಜ ಬಣ್ಣದ ನಡುವೆ ಇರುವ ಅಂತರವನ್ನು ಜನರಿಗೆ ಮನದಟ್ಟು ಮಾಡಬೇಕೆಂಬುದರ ದಿಕ್ಕಲ್ಲಿ ಒಂದು ಹೆಜ್ಜೆ. “ಆರ್‍ಎಸ್‍ಎಸ್ ಆಳ ಮತ್ತು ಅಗಲ” -ದೇವನೂರ ಮಹಾದೇವ ರಚಿತ ಕೃತಿ. 40/- ಬೆಲೆಯುಳ್ಳ, 8+64 ಪುಟಗಳುಳ್ಳ ಈ ಕೃತಿಯ 9000 ಪ್ರತಿಗಳನ್ನು ಅಭಿರುಚಿ ಪ್ರಕಾಶನ, ಗೌರಿ ಮೀಡಿಯಾ ಟ್ರಸ್ಟ್, ನಡೆ-ನುಡಿ, ಚಿಕ್ಕನಾಯಕನಹಳ್ಳಿ, ಜನಸ್ಪಂದನ ಟ್ರಸ್ಟ್ ತಿಪಟೂರು, ಮಾನವ ಬಂಧುತ್ವ ವೇದಿಕೆ, ಭಾರತೀಯ ಪರಿವರ್ತನ ಸಂಘಗಳು ಜೊತೆಗೂಡಿ ಮುದ್ರಿಸಿವೆ.

ಈ ಪುಸ್ತಿಕೆಯನ್ನು ನೀವೂ ನಿಮ್ಮ ಹೆಸರಿನಲ್ಲಿ ಪ್ರಕಟಿಸಬಹುದು. ನೀವೇ ಪ್ರಕಾಶಕರಾಗಬಹುದು! ಯಾವುದೇ ವ್ಯಕ್ತಿ, ಸಂಸ್ಥೆ, ಪ್ರಕಾಶಕರು ಪ್ರಕಟಿಸಬಹುದು. ಪುಸ್ತಿಕೆ ಪ್ರಕಟಿಸಲು ತಗುಲುವ ವೆಚ್ಚವನ್ನು ಈ ಕೆಳಗಿನ ಒಂದು ಸಂಪರ್ಕ ವಿಳಾಸಕ್ಕೆ ಕಳಿಸಿಕೊಟ್ಟರೆ ಮುದ್ರಣ ಮಾಡಿಸಿ ಪುಸ್ತಿಕೆ ತಲುಪಿಸಲಾಗುವುದು. ಅಥವಾ ನೀವೇ ಮುದ್ರಿಸಿ ಕೊಳ್ಳುವುದಾದರೆ, 500 ರೂಪಾಯಿಗಳನ್ನು ಯಾವುದಾದರೂ ಸಂಪರ್ಕ ವಿಳಾಸಕ್ಕೆ ಕಳಿಸಿಕೊಟ್ಟು ನೋಂದಣಿ ಮಾಡಿಸಿದರೆ, ಸಿದ್ಧಪಡಿಸಿರುವ 64 ಪುಟಗಳ ಮುದ್ರಣ ಪಠ್ಯವನ್ನು (ಮೊದಲ 8 ಪೀಠಿಕೆ ಪುಟಗಳನ್ನು ಹೊರತುಪಡಿಸಿ) ನಿಮಗೆ ಕಳಿಸಿಕೊಡಲಾಗುವುದು. ಇದನ್ನು ಪ್ರಕಟಿಸುವವರು ಯಾವುದೇ ಗೌರವಧನವನ್ನು ಲೇಖಕರಿಗೆ ನೀಡಬೇಕಾಗಿಲ್ಲ. ಪುಸ್ತಿಕೆ ಬೆಲೆಯನ್ನು ಆದಷ್ಟು ಹಿತಮಿತವಾಗಿ ಓದುಗ ಸ್ನೇಹಿಯಾಗಿ ನಿಗದಿ ಪಡಿಸಿರಿ ಎಂದು ಮನವಿ. ಪ್ರಕಟವಾದ ಮೇಲೆ ಹತ್ತು ಪ್ರತಿಗಳನ್ನು ಲೇಖಕರಿಗೆ ಕಳುಹಿಸಿಕೊಡಿರಿ.

ಈ ಕೆಳಕಂಡ ಕೃತಿಗಳಿಗೂ ಲೇಖಕರಿಗೆ ಗೌರವಧನ ನೀಡಬೇಕಾಗಿಲ್ಲ. ತಮ್ಮ ಹೆಸರಿನಲ್ಲಿ ಪ್ರಕಟಿಸಲು ಇಚ್ಛಿಸುವ ಆಸಕ್ತ ವ್ಯಕ್ತಿ/ಸಂಘ/ಪ್ರಕಾಶಕರು ಸಂಪರ್ಕಿಸಬಹುದು.

ಈ ಮಾಹಿತಿಯನ್ನು ನಿಮ್ಮ ಪರಿಚಿತ ವಲಯಗಳಲ್ಲಿ ವ್ಯಾಪಕವಾಗಿ ಹಂಚಲು ಮನವಿ.